Friday, December 22, 2017

Damp Proof Course and Damp Proof Members - Sinhala

Damp Proof Course and Damp Proof Members - Sinhala

DPC & DPM - Sinhala

Damp Proof Course (තෙත් නිවාරණ වැටිය)


අත්තිවාරමක අවසන් ඉදිකිරීම් අයිතමය DPC වේ. සාමාන්‍යයෙන් කොන්ත්‍රාත් පදනම යටතේ සිදුකෙරෙන නිවාස ඉදිකිරීමකදී මෙම තෙත් නිවාරණ වැටියෙහි වැඩ අවසන් වූ වහාම අත්තිවාරමට අදාල ගනුදෙණු පියවාගැනීම සිදුවේ. එහෙත් මෙම තෙත් නිවාරණ වැටියෙහි වැදගත්කම පිළිබද බොහෝ පෙදරේරුවන්ද දැනුවත් නැහැ. එබැවින් නිවසක් තැනීමට සිහින දකින ඔබ මෙය දැනුවත් වී සිටීම වටී. බොහෝ නිවාස තෙත් නිවාරණ වැටියක් නොමැතිව ඉදිවන අතර එහි ආයු කාලය ගැනද සතුටු විය නොහැක.
තෙත් නිවාරණ වැටියක් නොමැතිව ඉදිවන නිවසක,




* බිත්ති වල පොතු ගැලවී යාම.
* ජනෙල් උඵ වහු සවුත්තු වීම.
* කොපමණ තීන්ත ගෑවත් ප්‍රථිපල නොමැති වීම.
* වේයන් වැනි කෘමි සතුන් පැතිර යාම... යනාදිය දැක ගත හැක.

වැසි කාළයේදී පොළොව තුළ තිබෙන water table එක වැඩි වී ජලය වැඩි තැනින් අඩු තැනට ගලා යයි. එබැවින් ඔබ පහත් බිමක ඉඩම් කොටසක නිවසක් ඉදිකිරීමට යන්නේ නම් අත්තිවාරම පොළොව මට්ටමෙන් ඉහලට අඩි 1 1/2 - 2 ගෙන ඒම නුවැණැති වැඩකි.
අත්තිවාරම ඔබ කෙසේ ඉදිකළත්, කළු ගල් අත්තිවාරමක් වුවත් අත්තිවාරම මතුපිට ලෙවල් නැතිවීමට පුළුවන, එබැවින් (1:3) බදාම ස්ථරයක් මගින් මතුපිට ලෙවල් කරගැනීමෙන් අනතුරුව DPC යොදා ගනී. 

දැන් ඉන්න මේසන් බාස්ලා ගොඩක් පණ්ඩිතයි තෙත් නිවාරණ වැටිය ගැන දන්නෙවත් නැතුව ඇති මයේ හිතේ. "තාර දාල හරියන් නෑ අත්තිවාරමයි බිත්තියයි ජොයින්ට් වෙන් නෑ" කියල බාසුන්නැහේ ටොක් කරොත් කියන්න අත්තිවාරම තියෙන්නේ ලෝඩ් එක(බර) දාරාගෙන පොළොවට යවන්න විතරයි, අත්තිවාරමයි බිත්තියයි ජොයින්ට් වෙන්න අවශ්‍ය නෑ කියල. හේතුව නම් මම දන් නෑ දැන්, gov. tender වලිනුත් මේ DPC කියන වැඩ අයිතමය නැති වි ගොස් ඇත.

නමෙහි අර්ථයෙන්ම තෙත් නිවාරණ වැටිය (Damp Proof Course) යනු තෙතමණය සදහා වන බාධකයකි. වෙනත් විදිහකට කියනවානම් පොලවෙහි ඇති තෙතමණය, අත්තිවාරම ඔස්සේ ගොඩනැගිල්ලේ ඉහල කොටස් කරා සම්ප්‍රේෂණය වීම වැලැක්වීම සදහා අත්තිවාරම මතුපිටදී තිරස් බාධකයක් ‍ලෙස ක්‍රියාකිරීම මෙහි ප්‍රධානම කාර්යයි. ගොඩනැගිල්ලේ ඉහල කොටස් තෙතමනයට ලක්වීම මත බිත්තිමත පැල්ලම් ඇතිවීමට අමතරව කෘමි හා ක්‍ෂුද්‍රජීවී ක්‍රියාකාරිත්වයන් ඉහලයාම මගින් ගොඩනැගිල්ලක බොහෝ කොටස් හානියට පත්වීම සිදුවිය හැකියි. තවද ඔබේ නිවසේ විදුලි වයර් ඇදීමට ගත් කොන්ඩියුට් බට තුල කූඹීන් හෝ වේයන් වර්ධනය වීමටද හැක. ඔවුන්ගේ ක්‍රියා මත ඇතැම්විට විදුලි වයර පවා කාලයත් සමග හානියට පත් වේ. නිවස ගොඩනඟා අවුරුදු 4 ක් 5ක් ගතවූ විටකදී එවැන්නක් සිදුවූවිට විඳින්න වෙන අපහසුතා ගැන අමුතුවෙන් කියන්න ඕන නැත.

ඒනිසා ඔබේ නිවස ගොඩනඟන්නේ වර්ෂාව හෝ පසෙහි තෙත් බව වැඩි පරිසරයක නම්, එහෙමත් නැතිනම් වියලි වුනත් ශීතල පළාතකනම්, නිවැරදි තාක්ෂණය අනුගමනය කල තෙත් නිවාරණ වැටියක් යොදාගැනීම පරම්පරා ගානකට සෙවන සපයන නිවසක් ගොඩනැගීමට ඉවහල් වේවි.

අපේ රටේ බහුලව යොදාගන්නා තෙත් නිවාරණ වැටි වර්ග දෙකක් තියෙනවා. ඉන් පලමුවැන්න කවුරුත් දන්න සිමෙන්ති වැලි තෙත් නිවාරණ වැටියයි. එත් මෙය තාක්ෂණයෙන් සම්පූර්ණ වීම සදහා මෙම කපරාරුව 1:3 අනුපාතයක් සහිතව 3/4“ ඝණකමට යෙදීමත්, කපරාරුව හොදින් පදම්වූ පසුව එයමත දෙවරක් උණුතාර (නැතහොත් බිටුමන් ඉමල්ෂන්) ආලේපකර, සිනිදුවැලි ඉස නිමකරගැනීමත් වැදගත් වෙනවා. මෙහිදී කපරාරුව පදම්වීම සදහා දින 7ක් තැබීම වඩා යෝග්‍ය වන අතර පළමු දින 3 එය ජලයෙන් තෙත් කිරීමද වැදගත්. බිටුමන් ඉමල්ෂන් යනු කාමර උෂ්නත්වයේදී ද්‍රව තත්වයෙන් භාවිතාකල හැකි සහ ජලයේ දියවන තත්වයට වැඩිදියුණු කරන ලද තාර වර්ගයකි. වෙලදපලෙන් “ඩීපීසී තාර“ යන පොදු නාමයෙන් මේවා ලබාගත හැක. මෙම නිෂ්පාදනයේ ඝනකම වැඩි නම් ඔබට භුමිතෙල් වැනි යමකින් එය මග හරවා ගත හැක. පසුව සියුම් වැලි ඉසීම මගින්, මෙම තාර ස්ථරය හිරුරශ්මියට උණුවී ගලායාම වලකාදමනු ඇත. මෙම සම්පූර්ණ ස්ථරය 15mm පමණ වේ.

අපේ රටේ භාවිතා කරන අනෙක් තෙත් නිවාරණ වැටි වර්ගය කොන්ක්‍රිට් තෙත් නිවාරණ වැටියයි. සත්‍ය වශයෙන්ම අපේ රටේ මෙය භාවිතා කරන්නේ කළුගල් අත්තිවාරමට අමතර ශක්තියක් ලබාදෙන බිම්තලාඳයක් වශයෙන් වුවත් මෙය හරහා වුවත් ජලය ඉහලට යා හැක. එනම් මෙයද සාර්ථක තෙත් නිවාරණ වැටියක් නොවේ. මෙයට අමතරව ලොව පුරා භාවිතාකරන තෙත් නිවාරණ වැටිවර්ග තවත් 
තිබුණත් ඒවා අපේ රටේ ජනප්‍රිය නැහැ.
DPC on brick Plinth-constructionway.blogspot.com
DPC තාර ආලේප කරන ලද බැම්මක්

Damp Proof Members - Sinhala

Damp Proof Members (තෙත් නිවාරණ පටලය)

DPC මෙන් තවත් වැඩ අයිතමයක් වන මෙය පොළොව Concrete කිරීමේදී්‍ පස් තට්ටුවත්, Concrete තට්ටුවත් අතර මෙය යොදනු ලැබේ. තවද කළු ගල් අත්තිවාරම කාණුවේ පතුලට පොළොව තැලීමෙන් පසු DPM යොදාගන්නා අතර විවිධ වූ අත්තිවාරම් වර්ග වලදී පොළොව සමග ඇති සම්බන්ධය අවහිර කිරීම සදහා යොදා ගනී. මෙහිදී සිදුවන්නේ තෙත් නිවාරණය තුළ පොළොව මත පොලිතීන් තට්ටුවක් එළීමය. මෙය ඝනකම 1000 Gauge ප්‍රමාණය වන අතර එළීමේදි පොලිතීන් දෙකක් අතර අති වැස්ම(lap length) 150mm විය යුතුය.
Damp-Proofing-Members-constructionway.blogspot.com
Damp-Proofing-Members
මේ කිියන්න යන්නේ අමතර කරුණු ඔයාල දැනගෙන ඉන්න එක හොදයි කියල හිතුන, ඒත් මේව නිවාස තැනීමේදී වැඩිපුර භාවිතා නොවේ. එහෙත් ඔබ මේවා තමන්ගේ නිවසටත් යොදා ගන්නේ නම් අවුරුදු 50 කට බිය විය යුතු නැත. තීරණය ඔබ සතුය.
ඉහත කී Concrete තට්ටුව 50mm හෝ 75mm උසකින් යුතු Concrete තට්ටුවකි. නියමිත පරිදි පස් හෝ මැටි වලින් පුරවා ගැනීමෙන් අනතුරුව මැටි තට්ටුව තැලීමෙන් පසුව හැකියාවක් ඇති නම් Anti Termite(වේයන් මර්ධනයට) නම් Chemical යොදා ගැනීම සිදු වේ. ඉන්පසුව පොලිතීන් එළා ගැනීමෙන් අනතුරුව අවශ්‍ය නම් 300mm x 300mm කම්බි (10mm dia) දැලක් යොදා ගැනීම සවි ශක්තිය වැඩි කරන්නකි. ඉන් පසුව ඉහත කී අකාරයට Grade 30, Concrete ස්ථරය එක් කර ගනී. එම වැඩ අයිතමය Concrete bed නමින් හදුන්වයි.
dpc-constructionway.blogspot.com
මේ තවත් එක් DPM ක්‍රමයක්.

Skerting (පතුල් පටිය)

බිත්ති වලට වතුර උරා ගැනීම වැළැක්වීම සදහා පතුල් පටිය නිර්මාණය කරනු ලැබේ. මෙය නිර්මාණය කිරීමට බදාම, ටයිල් හෝ දැව භාවිතා කරයි. මෙහි සාමාන්‍ය උස 100mm පමණ වේ.
skirting in house--constructionway.blogspot.com
skirting in house

Plinth plaster (කයිරු කපරාරුව)

පිටත කයිරුවේ නිර්මාණය වූ කොටස කපරාරු කිරීම කයිරු කපරාරුව නම් වේ. මෙය කයිරුවට(කළු ගල් බැමිමට) වතුර කාන්දු වීම හා සතුන්ගෙන් වන හානි වැළැක්වීමට භාවිතා කෙරේ.
plinth plaster-constructionway.blogspot.com
plinth plaster
අහන්න දෙයක් ඒහෙම තියෙනම් Comment කරන්න. ඔයාගේ Comment ඒක මට හයියක් වේවි. ඔයාලගේ යාළුවන්වත් මේ අඩවිය ගැන දැනුවත් කරන්න මෙම ලිපිය share කරල.


read more article :-

බැංකු අයිරා පහසුකම්, භාණ්ඩාගාර බිල්පත් හා බැඳුම්කර

Quantity Surveyor - ප්‍රමාණ සමික්ෂකවරයා

Tender Procedure-Sinhala 01

Tender Procedure-Sinhala 02

Costing for Plastering Cement Motar

Type of Contracts - කොන්ත්‍රාත් වර්ග

Recommended Posts × +